قوت القلوب

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه )

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا



(حسبي الله ونعم الوكيــــــــــــــل)
الله يكون في عونها آميــــــــــــــــن


اللهم إهدي شباب وبنات المسلمين ...؛
اللهم أحسن خاتمة كل مسلم ومسلمة...؛
اللهم لآتحوجنا إلا لوجهك الكريم يا الله.....؛؛



من الايميل بس مره تصيح

حسبي الله ونعم والوكيل

soso2006

حسبي الله ونعم الوكيل

يعطيــــج ألــــف عـــــاااااافيــــــة

أختي قوت القلوب

عالقصيدة المؤثرة جداً

chocho

لا حول ولا قوة الا بالله العلي العظيم

مشكورة قوت القلوب على القصيدة

ملك النجوم

FAFI

سيف

روعة روعة روعة

ألف شكر علي موضوع قمر برشا

خالص تحياتي الحارة كلها

مجنون شيماء هلالي

ليندا 21

مشكوووووووووووووووور صح لسانك

ملك النجوم

أتعب أنا