شاهى كلاكيت تانى مرة في مطار القاهرة مع سمراء وجميلة

سمرااااااااااء · 05-26-2008, 05:59 PM

انا جييييييييييييييييييييييت

انهارده كان يوم طوووووووووووووويل بس جمييييييييييييييييييييل
واليكم تفاصيل رحلتنا الثانية لمطار القاهرة الدولي لاستقبال شاهيناز

في الاول عشان تبقى الامور واضحة
انا كمان كام ساعة هيبقى بقالي 24 ساعة ما نمتش خالص
فلو لقيتوا اي هبل في كتابتي عدووووووووه عادي ولا كأنكم شايفيين حاجة

نيجي للمهم وللتفاصيل
اتفقنا انا وجميلة وطنط وبنتها( طنط ديه اتعرفنا عليها المرة اللي فاتت في المطار وطلعت عضوة معانا في منتدى شاهيناز )

اتفقنا اني هقابل طنط الساعة 9 ونصف وبعدين نروح لجميلة
وبعدين عدينا على محل ورد عشان نجيب بوكيه ورد لشاهيناز
والمرة ديه صورتلكوا محل الورد

لكن بوكيه الورد اللي جبناه هوريهولكوا بس بعد ما ارغيلكوا شووووووووووية

وبعدين مشينا مشوار طوووووووووويل عشان نروح المطار
مشوار كده كأنك بتلف محافظة من غربها عشان تروح شرقها

وخد المشوار تقريبا ساعة وربع
ووصلنا المطار الساعة 11 الظهر تقريبا
وميعاد طيارة شاهيناز الساعة 12:05 ظهرا
زي ما هو موجود في الشاشة هنا

وزي ما اتأكدنا من الاستعلامات برضوا

بس اول ما دخلنا صالة وصول رقم 3
لقينا قلق غريب
ومصورين وتليفزيون وكاميرات
وناس كتير كده

زي ما انتوا شايفين في الصور كده

وطبعا بما اني ما كنتش نايمة من بالليل
فكنت محتاجة كابتشينو عشان اصحيح انا وجميلة
فطلبنا طلبنا المعتاد كابتشينو

وعقبال ما يجي الكابتشينو هفرجكوا على بوكيه الورد اللي جبناه لشاهيناز
احنا كنا عايزين نجيبلها عقد ورد تلبسه
بس لقيناه هيطلع مش حلو اوي
فقولنا نجيب بوكيه ورد احسن

وده شكل البوكيه

حاسبوا حاسبوا الكابتشينو وصل

ولسه هابتدي احط السكر في الكابتشينو لقيت القلق والدوشة اللي في المطار زادت
سألنا هو مين اللي جاي
قالولنا عصام الحضري

اوعوا حد يقولي محدش يعرف حارس المرمى المصري عصام الحضري
بتاع ارقص يا حضري

عصام الحضري هو الحائز على لقب افضل حارس مرمى افريقي مرتين على التوالي
ودي بعض الصور الارشيفية ليه
شوفتوا ارشيفية ديه

,,, اديني قلبتها لغة عربية اهو

وادي الهوجة اللي كانت موجودة في المطار

وطبعا نظرا لطولي الرهيب والفظيع ما عرفتش اوصل اني اصوره هو شخصيا
بس برضوا معدتهاش كده ,,, عامله فيها مراسلة بجد بقى

وبعد ما هديت الهوجة شوية روحتله على الترابيزة اللي قعد عليها مع الناس اللي كانوا معاه
واخدنا كام صورة
بس منهم صورة واحدة للنشر

عشان تعرفوا بس مش اي اي ,,, شوفتوني وانا متواضعة اجنننننننن يا اخواتي

ده تهيييييييييس بسبب قلة النوم

بس مش قادرة اقولكم اد ايه هو متواضع
في الاول صورت الصورة وطلعت مهزوزة قولنالها معلش ممكن نعيدها تاني
رد حد من اللي قاعدين معاه قال ياللا يا جماعة كفاية كده
راح قايل الحضري اوي اوي تحت امركم
ولما جيت اصوره مع جميلة كانت جميلة بتستعجلني عشان ما نعطلوش
راح قايل لا مفيش عطلة ولا حاجة تحت امركم

بس بعد كده رجعت لقيت الكابتشينو برد خاااااااااالص

وبعد كده جت نورا اخت شاهيناز وطنط مامت شاهيناز
وقعدنا نهزر كتير ونتكلم
بجد ناس زي العسل ربنا يحميهم ويخليلهم شاهي ويخليهم ليها
وقعدنا نتكلم عن عصام الحضري انا ونورا وقعجنا ندور عليه عشان نتصور معاه
ومالقيناهوش وقعدت اغيظها اتصورنا معاه وهي لاااااااا ههههههههههههه
بجد نورا بنوتة زي العسسسسسسسل ماشاء الله عليها
وقعدنا نضحك ونهزر كتييييييير لحد ما شاهي دخلت

وجه كمان بعض الناس من محبي شاهيناز
منهم العضوة mitsy اللي قالت في موضوع المطار انها هتحاول تيجي
وفعلا جت المطار هي وباباها

واللي انا ما لحقتش اصوره بقى هو ان اول ما شاهي سلمت على اهلها
سلمت عليها اسرى لبنانية مكونة من اب وام و3 او 4 ابناء مش فاكره والله
وطلبوا منها انهم يتصوروا معاها وكانوا ناس ظراف اوي اوي وعلى قولة اللبنانين كتييييييييير مهضوميين

وكمان حضر كذا حد من اللي بيشتغلوا في المطار
جم عشان يسلموا على شاهيناز لما عرفوا انها موجودة
ودوول كانوا بمختلف الاعمار يعني شباب وكبار

نيجي بقى للصور
وعشان تشوفوا لازم تحط رد

الصور داخل النص المخفي

كده خلااااااااص خلصنا المطار واليوم خلص بالنسبة ليكوا هنا في الموضوع

بس كمل بالنسبة ليه انا وشاهي وطنط اللي كانت معانا من اول المشوار
وروحنا مع شاهي البيت وقعدنا معاها ساعتين ونصف
بجد نااااااااااس زي العسسسسسل و ودوديين جدااااااااا وحبوبيين جدا جدا ماشاء الله عليهم
بس ما قدرتش اصورلكم شاهي في البيت
لان المشوار كان طويل وهي كانت مجهدة جدااااااا
فإن شاء الله ابقى اصورهالكم في فرصة تانية

وانا كده خلصت الموضوع

بس قبل ما امشي هسيبلكم فيديو

والفيديو داخل النص المخفي
عشان تشوف ضع رد

كان معكم من مطار القاهرة الدولي

لؤلؤة البحرين · 05-26-2008, 06:58 PM

تسلم الأيادي سمراااااء على الكلاكيت لثاني مرة

التقرير والصور أروووووع من الروووووووعة

والملكة شاهي سلطانة الطرب في غاية الجمال والرقي

والصور توضح رقي شاهي بطلتها وضحكتها الساحرة

والله عنجد نحس فيها أنها فنانة على مستوى

ألف شكر ويثبت الموضوع لعدة أيام نظراً للجهد المبذول

في الموضوع من صور وفيديو وتقرير مفصل

يعطيكِ ألف عافية

وبإنتظار المزيد منك أخبار سلطانة الطرب شاهي

خالص تحياتي

سمرااااااااااء · 05-26-2008, 07:01 PM

اقتباس:

المشاركة الأصلية كتبت بواسطة لؤلؤة البحرين


	تسلم الأيادي سمراااااء على الكلاكيت لثاني مرة التقرير والصور أروووووع من الروووووووعة والملكة شاهي سلطانة الطرب في غاية الجمال والرقي والصور توضح رقي شاهي بطلتها وضحكتها الساحرة والله عنجد نحس فيها أنها فنانة على مستوى ألف شكر ويثبت الموضوع لعدة أيام نظراً للجهد المبذول في الموضوع من صور وفيديو وتقرير مفصل يعطيكِ ألف عافية وبإنتظار المزيد منك أخبار سلطانة الطرب شاهي خالص تحياتي

لؤلؤة البحرين
بجد والله مش عارفه اقولك ايه واشكرك ازاي
بجد كلك ذوووووووووق ورقي
شكرا جداااااااااااا جدااااااااااا على كلامك الراااااااااائع ده كله
وشكرااااااااااااااا على تقديرك للموضوع والمجهود اللي فيه
وشكرا جدا جدا على التثبيت
نورتي الموضوووووع

سنووايت 22 · 05-26-2008, 07:02 PM

thaaaaaaanxx

amouna1981 · 05-26-2008, 07:04 PM

شكراااااااااااااا

manar 13 · 05-26-2008, 07:06 PM

thankkkkkkkkkkkkkkkkkkkkkkksssssssssssssssssssssss ssssssssssssssssssssssssssssssssssssssssssssssssss sssssssss

mira_maroc · 05-26-2008, 07:07 PM

thanks

manar 13 · 05-26-2008, 07:07 PM

شكراااااااااااااا

أم حمدة · 05-26-2008, 07:08 PM

thxxxxxxxxx

أم حمدة · 05-26-2008, 07:10 PM

السلام عليكم

ليش الصور والفيديو ما رضوا يطلعون عندي ؟؟

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)

شاهى كلاكيت تانى مرة في مطار القاهرة مع سمراء وجميلة

مجلس ستار أكاديمي 5 العام