شـــــــاهــــــــي : حكاية بدايتها دموع و ان شاء الله نهايتها ســـعـــيــدة


اللي بيصبر ينول و شاهي صبرت و نالت

ياما شفنا خلال ال 3 شهور دول شتيمة من كل حتة و فوق كل ده شاهيناز يوم بعد يوم بتدبل

لعدة اسباب :

1- كل ما الطلاب يقولو هدايا وصلت تروح ...... تلاقي يأمة مفيش ليها يأما في للكل ما عدا هي

و أفتكروا حادثة الاب توب اللي جت في التقرير و قبلها كانت الحادثة القديمة بالتحديد تاني شهر في الأكاديمي في الأسبوع اللي جاء فيه بشار الشطي

و الله يسامحها البرنسيسة ....... اللي انتوا عارفينها بعتت كور كريستال ليهم كلهم ماعدا هي

2- تجتهد و تيجي علي نفسها و تقول بكرة ربنا يفرجها و تعمل ايفال حلو جدا و في الأخر متطلعش في التوب

تقول استني للأسبع اللي بعدة...... و تستمر في الأجتهاد و تقول لنفسها يا رب

و برضوا تيجي لحظة التوب 5 و خالية من اسم شاهي

و استمر المسلسل ده 4 اسابيع لغاية ما شاهي دبلت خااااااالص و بقت عبارة عن كائن بيمشي و بيتنفس من غير روح حقيقية

3- كان أملها في جمهورها اللي برة و اتفجأت ان كل اسبوع تستني يا عيني وسط زمايلها و تقول يلا دلوقتي يجيلي مسدج

و تستني يا عيني بلا أمل لغاية ما الساعة تخلص و بتصفصف علي 3 مسدجات و 2 منهم بيشتموها

في الوقت اللي كل زمايلها متهنيين بالجماهير بتاعتهم و هي حاسة ان ملهاش جمهور

و تستمر شاهي في الأنهيار اسبوع بعد اسبوع لغاية ما دبلت فعلا و بقت ال sms night دي كابوس ليها مش أمل زي ما كانت فاكرة في الأول

4- صدمتها الكبيرة كانت في مصر........ ايوة مصر لأنها اتفجأت ان المصريين بيبعتوا للكل الا هي

و بصوت كله حزن و بكاء بتقول مصر مصر في كل مسدج تيجي لأي حد غيرها

بجد البنت اتكسرت............. لكن في النهاية اللي بيصبر بينول فعلا

و شوفوا شاهي صبرت أد ايه

كانت هتلاقيها من الأساتذة ولا من الجمهور اللي يجيب للكل هدايا و هي لأ... ولا من ظلم الزمن ليها

بعد سلسلة الأحزان و الذكريات المؤلمة دي لينا و لشاهي لازم نفرح

ايوه نفرح لأن شاهي و الحمد لله ربنا عوضها خـــــــــــيـــــــــر و بالقوي كمان


بداية الفرج ده كان يوم الجمعة لما كانت باك ستادج و جالها هدايا كتير ما شاء الله

من المؤكد ان مفيش طالب جاتلوا كمية الهدايا دي مرة واحدة في تاريخ ستار أكاديمي

بجد كل الشكر للأميرة عهود اللي كلفت نفسها ما يقال علية ( ثــروة ) عشان تفرح شاهي و الحمد لله كان الفرج علي شاهي فعلا اليوم ده

و توابع الفرج كان في خلال البرايم لما نورا جات ليها و شوفوا شاهي بقت قد ايه فرحانة و سعيدة

و بعدها تيتا أمينة و زيارتها الجميلة اللي خلت شاهي ترج تفتح تاني و تتألق و ترجع شاهي حبيبتنا

و كمان ليلة ال sms night بقي ليها نصيب كبير منها زي ما المفروض كان يحصل من زماااااااان

و أقدر اقول ان من ساعة ما ربنا فرجها و أعطي شاهي علي قد نيتها و عوضها عن ايام العذاب و الحرمان اللي كانت عايشة فيه من انها تفرح بناجحها

الحمدلله الحمدلله كل يوم في تحسن جديد

مثلا شوفوا ازاي غنت في أخر ايفال و احساسها كان يجنن

مثلا تم الأفراج عن الأسمس بتاعتنا ليها و الحمدلله بقت تظهر

و كمان كل يوم يجلها هدايا كتير جدا لا تقل عن باقي زمايلها بل و اكتر كمان

و الأساتذة نالت رضاهم جميعااااااااا بلا استثناء الحمدلله

و الـدلــــيــل رأيهم :

ماري : تعبت وفي طارح ما طالت النوته بس عم تشتغل كتير منيح بالصف و صونها كتير حلو

وديع : حبيت الاغنية وادتها باحساس وكانت بتحس بكل كلمة عم تقولها وهالشي كنت قبل نبهتها عليها والنتيجة جيدة جدا

اليسار: الها بالعادة ما تحس معها واليوم حست معها وكتير فرقت

ميشال: غنت كتير منيح احساسها كان عالي ولا غلطة

باين أووووي الشعر اللي طالع من كل أستاذ

و أختتمت الفرحة اليوم بأعتماد وديع و رولا عليها في البرايم و اعطأها أكتر من 4 أغاني و لله الحمدد

بجد شاهي هي اللي حربت و في الأخر كسبت الحرب دي

و صبرت صبرت صبرت و ناااااااااالت يا ناس

بجد ربنا عمرة ما بينسي عبادة ابدا

ربنا يديم عليها محبة الناس و محبتنا احنا جمهورها و رضا ربنا عليها

قولوا آمـيــــن
______________