في ليلة عرسها تبكي

وردة الأمل · 11-10-2007, 12:02 AM

>>في ليلة عرسها تبكي ..

>>حزينه وقلبها يحكي ..

>>يقول الحمد لك ربي على كل حال ..
>>على الصحه .. على النعمه ..
>>على قلبٍ شكى همه ..
>>وصبرٍ طال ..
>>
>>تجيها أمها وتقول ..
>>خلاص يا بنيّـتي إنسي ..
>>قوّي قلبك الحاني وإقسي ..
>>نصيبك هو نصيبك..
>>ما بيدينا شي ..
>>ولو كان الله كاتب لك حبيبك..
>>ما وقف في دربكم شي ..
>>
>>تجاوبها ..
>>أبي أعرف ..
>>أبوي شلّي استفاده الحين .. ؟!
>>لو ذابحني كان ابرك ..
>>وزوجي .. اش ذنبه المسكين ؟
>>يعيش باقي العمر .. مع جثه تتحرك !
>>عليك الله
>>يا يمّه .. خبّريني اشلون اضمّه .. ؟!
>>واذا ودّه يكلمني .. وشاف دموعي فـ عيوني ..
>>قولي اشلون اكلمه .. ؟!
>>واذا ناداني بإسمي ..
>>وانا أخطيت في إسمه ..
>>يا ترى وش موقفه مني ..
>>وهو يسمع اسم غيره ؟!!
>>
>>تجيها أمها وتقول ..
>>خلاص فضيها من سيره ..
>>خلاص يا بنيّـتي إنسي ..
>>قوّي قلبك الحاني وإقسي ..
>>نصيبك هو نصيبك ..
>>ما بيدينا شي ..
>>ولو كان الله كاتب لك حبيبك ..
>>ما وقف في دربكم شي ..
>>
>>بقولك شي يا يمّه .. وخليها من الأسرار ..
>>أبكتب له رسالة شوق ..
>>بشاكيه الألم والعوق ..
>>عقب ما أنتهي منها ..
>>بكل الحرص طرشيها ..
>>وخبيها عن الأنظار ..
>>وابي منّك وعد صادق ..
>>توصليها لذاك المغرم العاشق ..
>>وبعد ما يوصلك ردّه ..
>>على طول بلغيني بآخر الأخبار ..
>>
>>ربع ساعه يا يمّه ..
>>عطيني بس ربع ساعه ..
>>أبكتب له عن اللي طفّى ما في القلب ولاعه ..
>>أبكتب له لين دمع القلم ما يجف ..
>>تعالي بعدها واستلمي ما في الظرف ..
>>وكتبت من حزنها ابيات
>>...
>>تقول فيها ..
>>
>>سلاماتي .. تحياتي .. وأشـواقـي الشديده
>>.................. على اللي روحه فبالي .. وأنفـاسـه بعيده
>>
>>على اللي افترقنا غصب عن عينـي وعينه
>>.................. بعد ما كنت انا وهو نحلم بلحـظـه سعيده
>>
>>بعيش بغربتي لحـالـي .. وهـو الله يعينه
>>.................. يكمّل نصفه الثاني .. ويلـقـى مـن تريده
>>
>>مثل ما قالت امـي .. مـا لـنـا إلا قدرنا
>>.................. والا مـن زمـان المفتـرض إيـدي بإيده
>>
>>يسامحك الله يالوالـد .. علـى عمـرٍ قتلته
>>.................. بعد ما ماتت ابنيتـك وش اللـي بتستفيده ؟
>>
>>أنا آسفه على اعذاري .. وربي غصب عني
>>.................. نعم بتزوّج فلان .. بس بعيش عمري وحيده
>>
>>محّد ممكـن انّـه يتـرس عيـونـي بدونك
>>.................. تذكّر كلمتي هـذي .. أنـا فـ حبّـك شهيده
>>
>>تذكّر كلمتي أرجـوك .. لأنهـا مـن فؤادي
>>.................. فؤادي اللي ذبحوه اليوم.. وطعنوه
>>فـ وريده
>>
>>تذكّر كلمةٍ فيهـا شـعوري ومـا طـرى لي
>>.................. أنا فـ حبك شهيده .. وذي ترى آخر قصيده
>>
>>وجدتها الوالده عندها ..
>>وهي تحاول تغض الظرف ..
>>وتسألها ..
>>وش اللي بداخله هالظرف ؟!
>>أبيات ..
>>هي أبيات .. لحبٍ من حياتي فات ..
>>لحبٍ من حياتي طار ..
>>بسرعه ارجوك طرشيها ..
>>وهي تذرف .. دموعٍ نار ..
>>
>>على هونك يا يمّه ..
>>على هونك..
>>خلاص اطّمني انتي ..
>>بطرّش ما كتبتي ..
>>واستعدّي ..
>>بعد شوي بيزفونك ..
>>يزفوني ؟!!
>>وربي كان أهون لو يكفنوني .. !!
>>
>>بعد ايّام ..
>>تسافر لاجل تقضي في فرنسا .. شهر العسل ..
>>والمكتوب للعاشق وصل ..!
>>وهي مع زوجها تضحك ..
>>وهو من فرحته يضحك ..
>>يقول افديك انا بروحي ..
>>وبيتي .. ومالي .. والأهل ..
>>وهي تقول اشكرك بالحيل ..
>>لأنك من جديد .. رجّعت في قلبي الأمل ..
>>وساعه بعد ساعه ..
>>فرحتهم تزيد ..
>>في الصبح يتجولون من باريس .. لحتى ليل ..
>>وفي الفندق .. يشربون قهوه بالهيل
>>...
>>بعدها يسهرون .. كل الليل ..
>>
>>وحانت ساعة الردة ..
>>بعد ما طالت المدة ..
>>وموعدهم بعد ساعات ..
>>لاجل ما توصل الرحله على أرض الإمارات ..
>>وأول ما وطوا أرض المطار ..
>>من الفرحه بكوا ..
>>واستقبلوهم أهلهم باحضانهم ..
>>سلامات .. سلامات .. عساكم بس تهنيتوا ..
>>يجاوبهم .. الله يسلمكم ..
>>والحمد لله الهنا في حجرنا بات ..
>>
>>تطير البنت ناحية أمّها ..
>>اشتقت لك حيل يمّه ..
>>وهاتي حضنك الدافي ..
>>ترى مشتاقه أضمّه ..
>>وخبريني عن احوالك ..
>>عن اخبارك .. عساك بخير ؟
>>بخير يا بنيّـتي .. دامك بخير ..
>>بس ما سألتيني .. ؟!
>>خير يا يمّه .. خير ؟!
>>نسيتي إنك ارسلتي رساله ..
>>قبل ما ترحلين بخير وسهاله .. ؟!
>>صحيح ... توني تذكّرت !!!
>>أرسل لك جواب ..؟
>>
>>بعد ما ارسلتها ..
>>صرت انتظر منّه خطاب ..
>>ومرّت ايام وليالي وساعات ..
>>بعد مدّه .. شهر أو يمكن شويه يزيد ..
>>لقيت نفس الرساله .. عند صندوق البريد ..
>>تقول : لم يقرأها أحد ..
>>!!
>>قلت بنفسي اتأكّد ..
>>وصلت لباب منزلهم ..
>>وكلّمني اخوه احمد ..
>>عرفتي ليش ما في حد .. قرا الابيات .. ؟!
>>في نفس اليوم لي إنتي تزوجتي ..
>>وكنتي حيل مغتمّه ..
>>حبيبك ما قدر يتحمّل الصدمه ..

>>مع كل الأسف ... مـــات

آآآآآآآآآآ ه ياولي

متيمة اليسا · 11-12-2007, 05:26 PM

يا الله كتير كتير كتير محزنة

اقسم بالله العظيم ابكتني

وردة الأمل · 11-16-2007, 05:33 PM

أشكررك يامتيمة اليسا على
مرورك
الله يخليك يااااااااااب

وجزاك الله كل خير !!

تحياتي

سيف · 06-06-2008, 02:54 PM

الف الف شكر ليك ع الموضوع المميز جداا
يعطيك الف عااافية
خالص حبي

love maroc · 06-09-2008, 08:22 PM

لقد ابدعت اصابعك في هته السطور

sarza · 09-01-2008, 04:06 PM

كثير حلوة
الله يسلمك

Myrou · 09-05-2008, 04:13 PM

يسلمو
تحياتي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

في ليلة عرسها تبكي

الشعر