Anghamawy Star

__________________

MOATAZ

أولا أشكرك جداا يا كريم على كلامك الجااامد دة والاستضافة الجميلة دي وعلى فكرة البرنامج دة من أنجح 3 برامج في رمضان دة في رايي الشخصي طبعا




دبحت القطة لحد قبل كده ؟ ولماذا ؟


لا والله يا كريم ولا مرة .... لاني مش بحب ارعب حد او اخوفه لاني من الناس اللي بتخاف لما حد بيفزعني


مين دلوقتى تقدم له " أعتذار " ؟ ولماذا ؟


أقدم إعتذار لادارة المنتدى لاني محضرتش اخر اجتماع ودة كان بسبب سفري للقاهرة وانشغالي هناك


برجك أيه ؟ وهل تؤأمن بالأبراج ؟ ولماذا ؟


الميزان ... بص فيه فرق في موضوع الايمان دة ... يعني لو انت مؤمن بالابراج بشكل كبير وبتحرص على انك تشوف حظك يوميا هو دة الحرام لان دة تدخل في علم الغيب بتاع ربنا عز وجل ... اما انك تشوف صفات برجك والحاجات دي مش فيها مشكلة وانا فعلا بحبها جداا وعرفت عن برجي انه بيحب الجمال وعلشان كدة انا بعشق اليسا ملكة الجمال


اول ما تصحى من النوم بتعمل ايه ؟


بصلي الصبح واتفرج على روتانا واقعد استنى اليسا لما تيجي ولو مجاتش بقعد اهاجم روتانا لانهم مقصرين في حق اليسا وبعدها بنزل العب كورة وبعدين افطر وادخل على النت باليل ان مش خرجت مع صحابي


قبل ماتنام بتعمل ايه ؟


بصلي العشا واقعد استغفر واتشاهد لاني بحس اني حموت كل يوم


ايه أكثر حاجه بتحبها فى شخصيتك ؟ ولماذا ؟


الدبلوماسية ... لاني بشوف انها بتحل مشكلات كتير بطريقة سهلة ومش معقدة ومش تزود المشكلة مشكلات اكبر


ايه أكثر حاجه بتكرها فى شخصيتك ؟ ولماذا ؟


المواعيد الفشنك ... يعني كل صحابي عارفين لو ادتهم معاد الساعة 5 على طول يفهموا اني حاجي الساعة 10 دة ان جيت يعني وبجد نفسي اغير نفسي من الموضوع دة بالذات .... وليه لانها بتكره ناس كتير فيا


كلمه بتحب تسمعها من الناس عنك ؟ولماذا ؟


اني ذكي ... لانها بترفع روحي المعنوية


كلمه بيرددها الناس ما بتحبهاش ؟ ولماذا ؟


ان مواعيدي فشنك ... بتضايقني وبحاول اغير من نفسي والله


ماهو نوع دراستك ؟ وهل تحبها ؟ ولماذا ؟


والله انا لسة خارج من الثانوية العامة وجتلي خدمة اجتماعية .. لا مش بحبها .. كدة لاني كان نفسي ادخل حقوق او عسكرية


عرفنا على عائلتك الكريمه ؟ ومعلومات عنهم ؟


احنا 4 بس انا واخويا خالد اكبر مني بسنة وهو في كلية اداب ووالدي مهندس في شركة فرج الله ووالدتي مديرة مدرسة


رساله توجهها ل :: والدك :: ؟ ورساله توجهها ل :: والدتك :: ؟


اقوله بحبك جداا يا احلى واروش اب ومقدرش اعيش من غيرك لحظة واحدة يا مثلي الاعلى .... والدتي اقولها طبعا بحبك جدااا يا اطيب قلبي وكمان اقولها خفي العصبية شوية


صوت بتكرهه ؟ ولماذا ؟


جورج وسوف بكره صوته جداا ومعرفش ايه كل الناس اللي بتحبه دي على ايه ؟؟ لا صوت ولا احساس ولا اي حاجة خاالص

بيدلعوك فى البيت بيقولولك أيه ؟


بابا بيقولي يا عزوز ... وماما بتقولي يا تزو ... وخالد بيقولي يا زيزو


أمتى حسيت انك " مخير " وامتى حسيت انك " مسير " ؟


الحمد لله والدي ووالدتي متفاهمين جداا ودة خلاني ولا مرة في حياتي مسير الحمد لله كل حاجة في حياتي انا اللي واخد قرارها بنفسي وطبعا بمشاورتهم لكن مفيش حاجة غصب عني ابدا

__________________

Anghamawy Star

__________________

MOATAZ

أكتر حاجه عجباك فى شكلك ؟

كلي

أكتر حاجه مش عجباك فى شكلك ؟


مقدرش اقول لان دي خلقة ربنا


تعتقد الناس بيشوفوك زى ما انت عاوزهم يشوفوك ؟ ولماذا ؟


لا للاسف .... بحس ان جوايا حاجات محدش يعرفها غيري وبحس ساعات اني فاهم العالم كله


أمتى كرهت حد ؟


الصديق الخاين


قرار أتخذته وخسرت بسببه كتير ؟


الحمد لله مفيش


أمتى حسيت انك ضعيف ؟

قدام ربنا


أمتى حسيت انك قوى ؟

لما بواظب على الصلاة وبقرب من ربنا اكتر بحس اني ملكت كل الدنيا


مين الى بتضعف امامه ؟ ولماذا ؟


اكيد ربنا .... لانه القوي والقادرة على كل شيىء


مين مرايتك الى مبتكدبش عليك ؟


صاحبي محمد مدحت مش بيعرف يجامل او ينافق على طول يقولي الحقيقة المرة في وشي وعشان كدة بحبه جدااااا

__________________

Anghamawy Star

__________________

MOATAZ

بتعرف تغنى ؟


الحمد لله وناس بتقولي صوتك حلو وناس بتقولي صوتك وحش اسكت


عندك موهبه مثلا " التألبف ، التلحين " عزف على أله معينه ؟


والله حاليا لا مفيش بس انا حابب المجال جدا وبعشقه كمان وحاسس ان انشاء الله الموهبة حتبان قريب .... العزف بعشق الجيتاار وبدأت دروس التعليم من فترة قليلة وانشاء الله احترفه قريب


ايه الأله الموسيقيه الى بتحبها جداا ؟ ولما بتسمعها بتحس بايه ؟


الجيتاار والدرامز بس الجيتار اكتر ... واول لما بسمع اي اغنية فيها دخلة جيتار او اي حاجة الاقي ايدي بتلعب على الهوى لوحدها


مين هم فنانينك المفضلين الى بتحب تسمعلهم ؟


إليسا , عمرو دياب , فيروز , محمد حماقي , حسام حبيب , واما , ايهاب توفيق احيانا .


مين هم الفنانين الى مش بتحب تسمعهم ؟


جورج وسوف وتامر حسني ونانسي عجرم


لما بتحب بتسمع مين ؟ وأغنيه ايه ؟


اليسا وعمرو دياب .. كل اغاني اليسا .. و حكايات ووغلاوتك لعمرو دياب


لما بتزعل بتسمع مين ؟ وأغنيه ايه ؟


ايهاب توفيق .. أغنية ما تدمعيش يا عين

************************************************** ***************************************




الكنج والاسطورة والهضبة عمرو دياب .... فنان كبير ومبدع .. بحبه جدااا وبحب اغنياته القديمة جدا جدا




الناس كلها بتحبها ما عدا انا





أنغام ... فنانة كبيرة واحسااااسها عاااااالي جداا بحب بعض اغنياتها والبعض الاخر بحس انه بقى موضة قديمة .. لكن هي فنانة محترمة جداا وليها وزنها واسمها





جيت لنقطة ضعفي وحبي وعشقتي ونبض قلبي وروحه وكل حياتي والسبب اللي مخليني اعيش Elissaaa حبيبة قلبي ملكة الاحسااااس والجمااااال والرومانسية والعااالمية عن جدارة .. المطربة الوحيدة اللي ملهاش ولا اغنية وحشة .. بحبها بجنوووووون وممكن اتعارك مع حد من صحابي علشان قال كلمة وحشة على اليسا بغير عليها من الهوى وبعشق تراب رجليها وهي فتاة احلامي ونفسي بجد تحس بحبي وتعرف اني بعشقها بجنوووون وبجد مش لاقي كلام اقوله لاني خلصت فيها كل الكلام .. اليسا وعيتي بقلبي الاحسااااس انتي الاحلى بين الناااااااااااس

__________________

Anghamawy Star

__________________

MOATAZ

لؤلؤه : انسانة طيبة ودمها خفيف جدا ومتواضعة ومن احسن ال web masters اللي شفتهم في حياتي بتواضعها مع الاعضاء وبتعمل مجهوود خااااااارق في المنتدى ربنا يعينها والله.

ليبانيز : هو سبب تسجيلي ووجودي في المنتدى هنا .. لان ايام اول لما اليسا اخدت الميوزيك اوورد ملقتش تغطيات حصرية واهتمام زي اللي كان عامله ليبانيز فا جاتلي حالة زهووول من المجهود والشغل الحلو والجبار ... وسعدت جداا بالتعرف عليه وكنت فاكر انه هيطلع مغرور ومتعالي لكن طلع غير كدة خاالص .. انسان متواضع ومحترم ودمه زي العسل وبيحب يهزر وكمان بيتكلم مصري كويس جداا .

وائل : إبن بلدي .. انسان محترم ودمه خفيف برضه ونشيط جداا ماشاء الله .

مصطفى : معرفوش شخصيا.

مجنون شيماء : معرفوش شخصيا .

سيف وموكا : معرفتي بيهم بسيطة لكن هما لذاذ جداا ولا غنى عنهم بالمنتدى .

جماريو : بيننا حاليا سوء تفاهم ... لكن انا بحبه جدااااا وهو اكتر واحد عارف انا بحبه اد ايه اول لما بشوف اسمه طلع اون لاين بفرح جداا وبكلمه على طوول ... وهو انسان لذيذ جدااا ودمه خفيف اخر حاجة


أنغماوي : الصداقة بينا مش كبيرة اوي يعني لا تتخطى حدود كلامنا في المنتدى .. لكن انشاء الله قريب نتقابل ونتعرف اكتر .. وهو من مشرفين المنتدى المميزين جدااا وبجد وبدون مجاملة مبدع وفناااان

امولتي : معرفهاش شخصيا .

متيمة اليسا : معرفهاش شخصيا.

__________________

Anghamawy Star

__________________

MOATAZ

شىء غلط فى حياتك عملتوا ؟ تقدر تقولوا دلوقتى لكل من يشاهدنا ؟


بجد الكل هيقول انه بيكذب او كدة لكن انا الحمد لله معملتش حاجة غلط كبيرة تذكر يعني او ممكن تبقى مصيبة ولو كان فيه حاجة كنت حقولها



شخص توجه له اللوم والعتاب ؟ ولماذا ؟


جماريو .. لان مهما حصل بين الصحاب من سوء تفاهم مينفعش يبيعوا بعض في ثانية كدة



متى دخلت كـل النجــوم ؟ وكيف عرفتـه ؟


تقريبا من سنة .. كنت مشرف في موقع اتقفل لاليسا وكان واحد منزل فيديوهات اليسا في باريس 2006 فا ببص لقيت عليها لنك الموقع هنا واسم ليبانيز فا دخلت واتفاجات بالمجهوودات الكبيرة وكم الموضوعات المميزة بتاعته هو ولؤلؤة في القسم .. وحبيت المنتدى اكتر بعد تغطيات ليبانيز الحصرية لحفل الميوزيك اوورد


عرفنــــــاا على مراحل ترقيتك من " عضو " الى " مشرف " ؟

كنت بشارك في قسم اليسا بس وكان نفسي احسس ليبانيز ولؤلؤة ان فيه تفاعل من جمهور اليسا معاهم علشان اكيد اللي بيعمل موضوع مميز ويتعب عليه بيحتاج انه يلاقي التقدير علشان يقدر يواصل ويكمل ... فا لقيت لؤلؤة بعتالي رسالة وعرضت عليا الاشراف وطبعا وافقت على طول وطلبت تغيير اسمي من mizoelissa الى MOATAZ

كيف تلقيت خبر ترقيتك فى كل مره ؟

بالفرحة اكيد


بكــــل صراحــه .. هل كل النجوم يحتاج الى شىء ؟ وماذا يحتاج ؟ سواء شكل او قسم جديد ؟


بصراحة .. انا شايف انه محتاج تغيير الاستايل وانا كلمت لؤلؤة وليبانيز في الموضوع دة اكتر من مرة


قسم نعتقد اننا لا نحتاجه ؟ وقسم تريد ان تضيفه ؟ وقسم لم ياخذ حقه بعد ؟

لا مفيش , قسم فرعي من اغاني وفيديو النجوم يبقى فيه الريمكسات وكلمات الاغاني وانا متعهد اني اظبطه , لا مش عارف والله



من وجهه نظرك .. لماذا ؟ الأعضاء ترد عندما يكون محتوى مخفى موجود ؟ ولا ترد لو الموضوع يظهر ؟


فعلا حاجة غريبة جدا .. او يمكن لان لؤلؤة وليبانيز عودوا الاعضاء على كدة من الاول ... لكن بجد حاجة تضايق لما الواحد يعمل موضوع ويتعب عليه ومش يلاقي كلمة شكرا !!!!


ومتى سوف نوصل الى يوم الأعضاء فعلا تقدر مجهود الشخص بدون محتوى مخفى ؟


اليوم دة محتاج تحضير جاامد وتغيير في سياسة المنتدى بالكامل وكلنا نتفق على كدة وانشاء الله مع الوقت حنلاقي تقدير



************************************************** **************************


:: معتـــــــز :: نورتنا وشرفتنا .. أيه رايك فى الشقه .. وممكن تسيب لنا صوره عزيزه عليك .. تكون ذكرى للشقه .. وبنتمنى لك التوفيق ان شاء الله



بنورك يا كريم والله ... برنامج جميل جدااا وممتع وبيعرف الواحد حاجات كتيرة اوي مكانش يعرفها في نفسه وكمان الاعضاء يتعرفوا عليه اكتر واكتر وبالتوفيق ليك كمان


والله يا كريم هما صورتين مقدرش اتخلى عن واحدة فيهم :


اول واحدة >> دي اللي خلتني اعشق اليسا لما سحرتني بعينيها واحساسها في كليب بتغيب بتروح ودي اللقطة اللي سحرتني




ودي صورة لاليسا بحس فيها انها ملاااااااااااك وبقعد ابص فيها بالساعات من كتر جمالها





شكرا جزيلا على الاستضافة مرة تانية

__________________